.jpg)
هديتى ابيات اعجبتني
من اروع الابيات
اضرب طريق الخير واسلك مسيره
ولا تلتفت للناس عوجاه واقداه
ولو طال عمرك عارف وش مصيره
ازبن ولي العرش واتعب على رضاه
وأد الفروض الاوله والاخيرة
واضف لهن مخافة الله ورجواه
...........................................
من كثر ماله ساروا الناس برضاه
ولو كان ناقص قالوا الناس وافي
ومن قل ما بيده ترى الناس تشناه
ولو كان يسقيهم عسل قنط صافي
فالمال كم ساس طمان وعلاه
والفقر كم حطم روابع سنافي
لاشك ما للعبد عن حكم مولاه
من خير ولا شر ولا عوافي
......................................
قوموا بدين الله ورزوا شعاره
واخشوا نهار فيه تخطيف الابصار
دنياك مرجعها الفنا والقشاره
لا تامن الدنيا ترى الوقت غدار
لابد من قبر وحيش جداره
من مات ياالمسكين خلي على الدار
.............................................
لولا الردي ما صار للطيب سمعه
لاشك لهذا ضد ذاك يصير
والناس مثل الماء غدير ومالح
هذا ملاح وذا زلال غدير
والاجواد قربتهم تبيض وجودهم
تنفع ولا من قربهم تأثير
والاشرار نفعتهم مكافاة شرهم
والا ترى قرب اللئيم خطير
الرجل عقل ومرجله وديانه
بلاشك راعي ها الثلاث ظهير
............................................
من طاول الدمعه تكدر شرابه
والغت مرارة دمعته كل حالي
وافنى عنا دنياه زهرة شبابه
لو كان من بين الخلايق مثالي
واللي يبي ياقف لوقته يجابه
ينهد حيله,, والزمن ما يبالي
..........................................
الى بغيت اتحط كلش على البال
غديت صقار بساقه هداده
تغثك الدنيا ولا ادركت به حال
مثل البعير الى تقلد اشداده
..............................................
تخير اذا رافقت من الناس عارف
رجل اذا شان الزمان يطيب
رفيق على عسر الليالي ويسرها
كما الزرع,, في وقت الدهور خصيب
امين يحفظ السر عن ساير الملا
حفيظ على ما في الضمير
قطيب
...............................................
دخيل خذ من والد لك مسالة *
* ومسا لة مايفهمه كل
رجال
احشم خويك عن دروب الرذالة *
* ترى الخوي عند
الاجاويد له حال
والمرجلة بالك ترخي حبالة *
* وبالك تعيل ولا تراخا
لمن عال
وان كان ماتدعى على كل قالة *
* تراك من حسبة هدوم بها
ازوال
وان كان دلوك ما تميحه شمالة *
* ترى الرجال
يطوحونه على الجال
ورفيقك الداني إلى شفت حاله *
* احمل عليه من
المعليق ماشال
لعل رجل عيشته قد حالة *
* عسى تدور زوجته فية
الابدال
الحمرة تدرك معوشة عياله *
* والا الرجل يبغى منه بعض
الاحوال
وان صار لك من عوص النضا زماله *
*ا تورد بك
إلى سرب اللال
خله مع الديان تمشي لحاله *
* إن كان ماأنته
للمسة الخشم حمال
لو ربع يوم مقعدك بالشكاله *
* يسوى حلال
عايشين به انذال
...................................................................
قصر يذلك لا تقابل مبانيه
خله عسى شامخ طويله هدامي
خله عسى ما صاب اغادير يفنيه
يودع منازله الطويله رجامي
لو زان مدخاله وطالت حواميه
شيد على الخيبه قليل الرحامي
وحي يوريك المذله وتغليه
انا اشهد انك ميت القلب عامي
من لا يودك لا توده وترجيه
ارفع مقامك يا عزيز المقامي
ارفع مقامك عن عدوك وتوذيه
ويلحقك من تركة رفيقك ملامي
حق الرفيق وواجبه لا تخليه
يلزمك مثل الوالدين الحشامي
اختر عزيز الجار والحق يعطيه
شبل على هرج يقوله يحامي
ومن قارب الاجرب بالامراض يعديه
عدواه تسطي باللحم والعظامي
درب السلامه بينات مماشيه
ودرب العطب يرث عليك اللكامي
..................................................
لا خاب ظني بالرفيق الموالي
مالي مشاريه على نايد الناس
لعل قصرٍ ما يجيله اظلالي
ينهد من عالي مبانيه للساس
لا صار ماهو مدهل للرجالي
وملجا لمن هو يشتكي الضيم والباس
بحسناك يا منشي حقوق الخيالي
يا خالق اجناسٍ ويا مفتي اجناس
تجعل مقره دارس العهد بالي
صحصاح دوٍ دارس ما به اوناس
البوم في تالي هدامه يلالي
جزاك يا قصر الخنا وكر الادناس
متى تربع دارنا والمقالي
وتخضر فياض عقب ماهيب يباس
نشوف فيها الديدحان متوالي
مثل الرعاف بخصر مدقوق الألعاس
..................................................
لا تقرب الأجرب بالامراض يعطبك
يصير جسمك مثل جسمه عليلي
ممشا الخطا من صافي العقل يسلبك
ويصير لك يم الرذيله سبيلي
وعن ما رد الانذال نزه مشاربك
واشرب نظيف لو ورادك طويلي
ولياك تنسى يا ابن الاجواد واجبك
واللي يروم المجد حمله ثقيلي
يالادمي وان كان كبرت مصايبك
ازبن على محي البلاد المحيلي
أزبن على رب بعرشه يراقبك
وناجه وبعد العسر يسره جليلي
